पैशांच्या जोरावर भाजपाने सरकार बनवले तर ती देशभक्ती : हार्दिक पटेल

अहमदाबाद : कर्नाटक विधानसभा निवडणुकीत भाजपाला बहुमताला आवश्यक असणारी संख्या गाठण्यात अपयश आले आहे. काँग्रेस आणि जेडीएसने सत्ता स्थापनेसाठी दावा केला असली तरी भाजपाने त्यांच्या भूमिकेवर टीका केली आहे. यावरूनच हार्दिक पटेल यांनी भाजपवर निशाणा साधला . अप्रामणिकपणा आणि पैशांच्या जोरावर भाजपाने सरकार बनवले तर ती देशभक्ती ठरते. तर काँग्रेस आणि जेडीएसने सरकार स्थापन केले तर ती लोकशाहीची हत्या असते, असे ट्विट हार्दिक पटेल यांनी केले .

कर्नाटकात भाजपाचे संख्याबळ १०४ वर जाऊन थांबले आहे. त्यांना बहुमतासाठी ११३ आकडा पार करायचा आहे. दुसरीकडे काँग्रेस (७८) आणि जेडीएस (३७) यांची एकत्रित संख्याही बहुमताच्या आकड्याच्या पुढे जाते. पण ही भाजपाला ही आघाडी रूचत नसल्याचे त्यांच्या वर्तणुकीवरून दिसते. भाजपा नेतृत्वाकडून याप्रकरणी टीकाही होत आहे. याच मुद्द्यावरून हार्दिकने भाजपावर निशाणा साधला. भाजपा करेल त्या लीला आणि दुसऱ्याने केली तर चोरी असते असे त्याने म्हटले.